"Hanggang kailan mo pananatilihin iyang taas ng pride mo, Kuya. Maraming taon na ang lumipas at puro galit ang nariyan sa dibdib mo. Dalawa na ang anak ninyo at obviously kung gaano ka kamahal ni Cassy. Tingnan mo ang mga anak mo, Kuya. Kahit saang anggulo tingnan ay kuhang-kuha ka nila. Sa mga nagdaang taon, hindi natin mabilang ang pumarito na naghahabol sa iyo ngunit puro negative sa DNA. Subalit kahit hindi tayo magsasagawa ng DNA ay alam na alam nating dugong Montemayor ang nanalaytay sa katawan nila." Pansamantalang tumigil si Dark sa pagsasalita dahil naiinis siya sa kambal niya. Nanatili itong nakatalikod. Kaya't nagpatuloy siya.
"Galit na galit ka dahil iniwan ka niya kayo ni DX. Naisip mo ba kung bakit niya ginawa iyon? Binigyan mo ba siya ng dahilan para gawin iyon? Inalam mo b
