Paulit-ulit kong sinuri ang dokumentong nakuha ko. “Totoo talaga ang kasal naming ni Lucas.” Nang makita kong nakalagay na married ako sa CENOMAR (Certificate of No Marriage) ko, kumuha na rin ako ng kopya ng marriage contract para masigurado ko. Ang dalawang dokumentong hawak ko ang nagpapatunay na totoo ang kasal namin ni Lucas.
“Excuse me!”
“Ay, sorry!” sabay alis ko sa pila.
Hindi pala ako nakaalis ng pila dahil sa pagkagulat ko sa resulta. Tinawagan ko si Betina para sabihin sa kanya ang nalaman ko.
“Hello, Betina!”
“Oh, Halley, kumusta ang lakad mo?” tanong niya.
Bumuntong-hininga ako. “Betina, totoo nga ang sinabi ni Lucas. Kasal kaming dalawa. Hawak ko ngayon ang mga katibayan na mag-asawa kami. Anong gagawin ko ngayon? Mas lalo akong nahihiyang humarap sa kanya dahil sa gina
