***DARION/KABHY***
“Sir, tara na po,” untag ni Miguel sa kanya nang tumunog ang PA system ng airport para sa flight nila patungong Cagayan De Oro.
“Okay,” aniyang pinatay na ang pinapanood na live streaming ng GME Network para sa Sunday Showtime. Hindi pa tapos kumanta si Eyrna pero kontento na siyang mapanood ito.
Nang isuksok na niya sa bulsa ng kanyang suit ang cellphone ay tumayo na siya. “Hintayin mo lang ako. Malapit na. Malapit ko nang maayos ang lahat,” kasabay niyon ay kanya ring bulong.
Maangas, makapangyarihan, at seryosong-seryoso ang mukha’y lumakad na siya. Kasunod si Miguel.
Kanina’y dumating rin ang inutusan ni Kabhy na para lihim na mag-imbestiga tungkol sa sinasabi ni Lailey na asawa niya raw ito. Walang kaalam-alam ang babaeng iyon na kahit alam niyang hindi sila
