***EYRNA***
“Gising ka pa?”
Hindi na siya nagulat nang silipin siya ni Revo. Inasahan na niya. Katunayan ay wala pa siyang tulog simula nakauwi sila sa bahay nito. Kahit pagod siya ay hindi niya hinayaan ang sarili niya na makaidlip man lang. Hindi na siya papayag na magalaw siya ulit ng baboy na lalaki.
“Akala ko ang sarap na ng tulog mo. Hinihintay pa naman kitang magising. Buti sumilip ako,” sabi pa ni Revo. Pumasok na ito at lumapit sa kama.
“Hindi ako makatulog. Bakit?” kaswal na tanong niya. Ang hindi alam ni Revo ay humigpit ang hawak niya sa maliit na kutsilyo.
Kagabing kumakain sila ng hapunan ay itinakas niya iyon na ibinulsa. Sa tingin niya kasi ay kakailanganin niya iyon. Ngayon lang niya napagtanto na hindi niya kabisado si Revo. Nag-iiba-iba pala ang ugali nito.
Maba
