***DARION***
Takang-taka siya nang mapagtantong masakit ang katawan niyang bumangon. Napaungol pa nga siya at nakapa ang panga nang kumirot iyon.
Anong nangyari sa kanya?
Nasa malalim siyang pag-iisip at pag-alala nang may tumikhim.
“Ganyan ang napapala ng taong hindi pinipigilan ang bugso ng galit sa kanyang damdamin. Nasasaktan ng labis,” at banayad na salita nga ni Ka Sigmun.
Mas nagtatakang hinanap niya ng tingin ang nagsalitang matanda. Naroon pala sa may lamesa’t may dinikdik na halamang gamot; gamot na para sa kanya malamang.
“Ano ang ginawa kong kapangahasan, Ka Sigmun?” alanganing tanong niya. Inalis niya ang kumot na nakakumot sa kanyang kalahating katawan saka bumaba sa kawayang kama. Maingat na nilapitan niya si Ka Sigmun. Hawak niya ang kanyang tiyan na naninigas.
Hin
