“What the hell are you doing here, Loreen Graciella?” Iyon ang kanina pang tinatanong ni Lorcan ngunit walang makuhang sagot mula sa bata.
Hanggang ngayon ay hindi pa rin ako makapaniwalang ang batang iniligtas ko mula sa sunog ay isang Madrigal, at kapatid ni Lorcan. Kaya naman pala pamilyar sa akin ang mukha ng bata, hindi ko lang agad natukoy kung saang parte.
“Paanong sasagot sa ‘yo kung tinatakot mo? Ayusin mo kasi ang pagtatanong,” sabat ko sa kaniya.
Kaya kanina pa nakasiksik sa akin si Lory ay dahil hindi matagalan ang matatalim niyang tingin. He is so harsh, though I understand him. Alam kong nag-aalala at nagulat din siya pero hindi niya dapat sigawan ang bata.
“I am not scaring her, baby… Gusto ko lang malaman kung paano siya nakarating dito. She shou
