Umalis na rin agad ako sa hallway ng Bloody pagkatapos noong nangyari. Wala naman talaga akong balak pumunta sa library, ano naman ang gagawin ko ro’n, magbabasa? Mas malaki pa ang tsansa na matulog ako ro’n.
Humuhuni pa ako na akala mo ay ibon habang naglalakad. Ganito lang naman ako kapag walang ibang tao. Hindi ko naman kayang kumanta ng naririnig ng lahat dahil baka pagkamalan pa nila ako na biik na kinakatay. Nagkita ako ng isang fire exit sa dulo. Na-curious tuloy ako kung ano ang labas noon, kaya naglakad ako palapit dito. Pipihitin ko na sana ang knob nang makarinig nang mahihinang yabag sa likuran ko na sinundan ng bulungan. Kaunti na lang at iisipin ko na talaga na may lahing bubuyog ang mga estudyante ng Gokudo.
“Siya na ba ang tinutukoy ni madame?” Narinig kong bu
