JORDAN
HALOS hindi ko magawang lunukin ang pagkain sa aking bibig. Kasalukuyan kaming nasa harap ng lamesa at naghahapunan. Ang akala kong isang matiwasay na hapunan ay naging kabaligtaran nang makita kong naroon din si Thanos upang sumabay sa aming kumain.
Magkatabi kami ni Klaus habang nakaupo sa harap nang mahabang lamesa kung saan nakahanda ang aming mga pagkain. Hindi ko magawang mag-angat ng tingin dahil pilit kong iniiwasan ang makita si Thanos. Tila ramdam ni Klaus ang aking pananahimik kaya't ito na ang kusang kumuha ng pagkain at siyang naglagay sa aking pinggan.
Matamis ko itong nginitian bago nagpasalamat. “Thank you,” turan ko.
Bahagyang yumuko si Klaus papalapit sa aking tainga upang bumulong. “Are you okay? You seems off,” tanong nito.
Pilit akong ngumiti at lumingon di
