ALEX
HINAYAAN kong si Klaus ang mag-asikaso ng mga kailangang i-settle sa ospital upang makalabas ako dahil mukhang wala yata itong balak na umalis sa aking tabi. Nang saglit itong lumabas upang magbayad sa cashier ay agad kong kinuha ang pagkakataong iyon upang magbihis. Balak kong lumabas ng silid bago pa ito makabalik.
Matapos kong makapagpalit ng damit ay dali-dali kong tinungo ang pinto. Humugot muna ako nang isang malalim na hininga bago iyon binuksan.
Alam kong wala nang saysay ang pagtatago ko lalo na't alam na ni Klaus ang tungkol sa ipinagbubuntis ko. Ngunit may parte ng utak ko ang nais pa ring magkaroon nang kahit kaunting pagkakataon upang mapag-isa. I have no idea what's going on inside Klaus' head. Wala rin akong ideya kung anong balak niyang gawin matapos malaman ang to
