Troy Vellez
Pagkaalis ko sa unit ni Beige ay madali akong umuwi sa hotel kung saan kami nag-stay ni Josh.
“Kumusta ang labas mo, Troy?” bungad ni Josh sa akin kapasok ko sa hotel room namin. Nasa sala siya at nakadapa sa sofa habang naglalaro sa phone niya. Habang sinasara ko ang pinto ay sumagot ako.
“Kailan mo huling nakausap si Julian?” I asked. Pagkasara ko ng pinto ay lumakad ako papunta sa kusina para kumuha ng tubig. Pagkakuha ay lumabas ako papunta sa sala kung nasaan si Josh habang hawak ko ang baso para uminom.
“Ilang dekada na nga, eh,” biro niya. “Mga last month siguro tapos once ko lang nakausap. Napaka-busy ng workaholic na yon,” aniya pa.
Nakalahati ko ang tubig na iniinom ko at pagkatapos ay bumalik ako sa kusina para ilagay sa sink ang baso. Bumalik ako sa sala at u
