Beige Del Rio
“Sigurado ka na ba sa desisyon mo?” masinsinang tanong ni madam sa akin. Katabi ko siya dito sa sofa.
Binisita niya si Marco dito sa ospital. Tinawagan ko kasi siya kanina pagkatapos ko sa trabaho. Sinabi ko sa kanya na kapag gumaling na si Marco hindi ko na itutuloy ang huling task na pinapagawa niya.
“Oo, madam. Mas importante sa akin ang kapakanan ni Marco. Siya na lang ang mayroon ako. Hindi ko kakayanin kapag napahamak pa siya dahil sa kapabayaan ko,” sagot ko.
Nakatitig kaming dalawa ni madam kay Marco. Bakas rin sa kanyang mukha ang pag-aalala. Ang akala ko walang puso si madam pero sa nakikita ko sa kanya ngayon ay alam kong inaalala niya rin si Marco.
“Alam kong nagpapanggap ka lang na kapatid mo si Marco.” Natigilan ako sa narinig ko mula kay madam. Hindi ko ma
