Kanina sa boarding house ni Estefan…
KARARATING lang ni Bella sa boarding house ni Estefan para surpresahin ito. Nakakunot ang noo niya nang makitang nakaayos ito.
“Saan ka pupunta?” tanong ni Bella.
“May raket ako. At teka nga, paano ka nakapasok sa boarding house ng mga lalaki?” tanong ni Estefan habang inaayos ang maroon blouse na matagal nang nakatago sa kabinet niya.
“Matagal kitang hinanap, Estefan. Ginawa ko ang lahat para makapasok ako, nakiusap ako sa landlady niyo. Raket? Kay Kate ba galing iyan?”
Napahinto si Estefan nang marining ang pangalan ni Kate. Nanliit ang mata niya at nilapitan si Bella.
“Anong alam mo, Bella? Tell me!”
“I called Kate to ask for help. Kunwari nasa hospital si mama kaya kailangan ko ng pera, hindi ko naman alam na kakagatin niya ang pagpapanggap
