“Dito ka nakatira Sharmaine?!” gulat na tanong ni Honey sa babae ng bumaba na ito sa kotse.
Nagpasya kasi sila na ihatid na lamang ang babae sa inuupahan nitong bahay dahil nga inabot na ito ng gabi sa kanila.
Ayaw naman din nitong matulog sa kanila kaya nagpasya silang ihatid na lamang ito. Pero hindi niya akalaing ganito pala ang kalagayan ng lugar na tinitirhan nito.
Nasa isang eskwater ang inuupahan nitong barong-barong sa parte ng Pasay. Ang dating sa subdivision nakatira ngayon nagtitiis sa tagpi-tagping barong-barong na dalawang libo daw ang upa nito doon.
“P-Pasensya na kayo kung hindi ko na kayo mapapatuloy sa loob ha, marumi kasi tsaka baka hindi ninyo masikmura ang loob. Hindi rin tayo magkakasya doon, kaya pasensya na.” nakangiting wika nito sa kanya.
Ayaw naman niyang
