Magkahawak kamay na naglalakad sa dalampasigan sina Honey at Uno. Ramdam niya ang kalambutan ng maliit at cute na kamay ng kanyang anak.
Uno ang naisip niyang ipangalan sa kanyang anak dahil para sa kanya, simula ng iluwal niya ito, ito na ang number sa kanyang puso.
Kaysarap sa pakiramdam habang hawak-hawak niya ang kamay ng kanyang anak sa napakagandang lugar na iyon.
Marahan ang bawat paghampas ng alon sa buhanginan, at ang malamig na simoy ng hangin ay tila ba nagbibigay kapayapaan sa kanyang isipan.
Sa di kalayuan na kanilang kinaroroonan ay matatanaw na ang bahay ni Owen na nakatayo sa gilid ng dalampasigan, bungalow style iyon. Kahit na simple lang ang desinyo ng bahay, mahahalata pa ring may sinasabi sa buhay ang may ari.
Kaya naman talagang malaki ang pasasalamat niya s
