Hindi alam ni Sarah kung paano kumilos kapag nasa paligid na si Tristan ang babae nito. Kausap naman niya si Nikki pero wala roon ang atensyon niya. Hindi siya mapakali. Nakilala niya rin sa wakas si Naarah. At hindi niya maiwasang mailang dahil sa mga tanong nito. Never palang nabanggit dito ni Tristan na kinasal ang kapatid nito. Kahit si Nikki, hindi rin pala nagkuwento. Siguro binaon na nga talaga sa limot ni Tristan.
“Loko 'tong, Dennis na ‘to, a,” dinig niyang sabi ni Naarah. Mahina lang. Mukhang sarili nito ang kausap. “Nasaan na pala 'yon?” anito, mayamaya.
Tumingin sa kanya bago sumagot si Nikki.
“Kasama 'yong bago niyang girlfriend yata.”
“Ah, si Sachi?”
Kilala na pala ng mga ito ang bago ni Tristan. Sabagay, mukhang legal naman ang dalawa. Saka wala na ang ama nito, pwede
