CHAPTER 22
NAGMAMADALING pumunta si Hillary sa parking lot para magpaalam kina B1 at B2 para makapunta siya sa NBI pagkatapos niyang maihatid si Vin. Mabuti naman at naipaliwanag niya nang maayos sa bata ang tungkol sa hinihingi noon na baby sister daw. Susmi! ‘Di pa man lang siya nadidiligan ay baka matuyuan na siya dahil sa hinihingi ng bata. Pero aaminin niya na kinilig siya sa kaisipan na pwede siyang magkaanak kay poging devil. Yo’n lang, kawawa naman ang magiging baby niya dahil lalaki siguradong walang ama. Planado na kasi niya lahat at kapag nakaya na ng sikmura niya na humingi ng tawad sa mag-ama, aalis na rin siya, lalo pa nga at laging kakabit na ng mag-ama na iyon si Mother Ursula, na siguradong hindi titigilan ang pamilya ni Vandrix, dahil naroon ang apo niyon.
“Lalabas ako.
