CAMILLA
Maagang pumasok sa opisina si Jared kanina. Ginising lang niya ako bago umalis para magpaalam pero sinabi niyang h'wag na akong bumangon dahil nakita siguro nitong grabe ang antok ko dahil halos hindi ko maimulat ang mga mata ko. Ngayon kasi ako nakaramdam ng matinding pagod, parang namamanhid ang buong katawan ko at pakiramdam ko ay lalagnatin pa yata ako.
Tinatamad na bumangon ako at pumasok ng banyo para gawin ang daily routine ko. Mukhang kailangan ko talaga ng sapat na pahinga ngayon dahil pakiramdam ko ay hindi malayong magkasakit ako lalo na at nakakaramdam na ako ng konting pagkahilo at makirot rin ang sintido ko.
Siguro kasi tanghali na at hindi pa ako kumakain kaya nalipasan na naman ako ng gutom kaya gaya noon ay nanlalata ang katawan ko basta hindi agad ako nakakain
