CARMEN
KAKAUNTI NA ANG pera namin sa bangko at hinahabol na si Rafael ng mga pinagkakautangan n'ya sa casino. Wala na akong matakbuhan. Sinubukan kong humingi ng tulong kay Carmela pero hindi n'ya ako hinarap. Si Rafael ay nagtatago at hindi ko alam kung saan nagpunta. The last time I heard, sumama na s'ya sa kinakasama n'yang babae. Kinababaliwan n'ya ang pesteng babae na 'yon na nakilala n'ya sa club. Bata pa 'yon at matanda lang ng ilang taon kay Odessa. Hindi man lang nandiri sa kababuyan n'ya ang walanghiya. S'ya ang naging dahilan kung bakit hindi ko itinuloy ang pakikipagkita kay Marcus. Ang perang dapat ibibigay ko ay tinangay ng walahiya kong asawa.
Matapos ng ginawa ko sa reading ng will ay alam kong hindi ako tutulungan ni Gabriel. Sino pa ang ibang tutulong sa akin kung hind
