CHAPTER 19:
THINGS ARE GETTING complicated for the past three days. Hindi sila makahanap ng ebidensya para ibalik ang paratang ni Jessica kay Hyungnim. Sa tatlong araw na iyon, tuluyan nang naniwala ang lahat na ninakaw nga talaga ni Hyungnim ang kwentong isinulat ni Jessica. Only Lindsay and Paxton still believed in him.
“Ibawas na lang sa sweldo namin ang babayaran nating damage. Wala na tayong magagawa kundi ang tanggapin na nagkamali tayo,” Patty suggested.
Kasalukuyan silang nag-mi-meeting, pinag-uusapan kung ano ang dapat nilang gawin ngayong lumalala na ang sitwasyon. Malaki na ang ibanaba ng sales nila. Marami na ang nag-close ng account nila sa reading platform ng Red Corner. Kailangan nilang aminin ang pagkakamali.
“Hindi, lalaban tayo. I believe in Hyungnim,” Paxton replied.
