HABANG pinagmamasdan ni Nick ang dating sekretarya ay hindi niya maiwasang hindi makaramdam ng inis at galit, lalo na at naalala niya ang pagtatangka nito sa buhay ni Soffie. Sisiguraduhin niyang magbabayad ito sa dalawang ulit na pagtatangkang iyon. “Who is the person behind you?” mariin niyang tanong dito at mas hinigpitan ang pagkakahawak sa buhok nito. “Why are you trying to kill my girlfriend?” Itinutok niya ang dulo ng hawak na baril sa leeg nito.
Makailang ulit na napalunok si Madison. “M-Mr. Alvarez!” sigaw nito, “Maniwala ka. Hindi ko gustong saktan ang babaeng palagi mong kasama. Ginagawa ko lang ‘yon para mapansin n’yo ako at dumating ang pagkakataong ito na kukunin ninyo ako at makakausap ka. Kaya please... pakinggan mo muna ang mga sasabihin ko.”
Kumunot ang kaniyang noo.
