ABALA si Nylah sa pag-aayos ng mga papel sa kaniyang lamesa nang tumunog ang cellphone niya na nakapatong sa mga folder. Sinulyapan niya kung sino ang tumatawag at kusang gumuhit ang ngiti sa kaniyang labi ng makitang ang pangalan ng nakababatang kapatid ang nasa screen.
“Ate Nylah!” masiglang bati ni Nadeen nang sagutin niya ang tawag nito. Biological sister niya ito. Apat na taon ang tanda niya rito.
Bahagyang natawa si Nylah nang marinig niya ang accent ni Nadeen sa pagtawag nito ng ‘Ate’ sa kaniya. Konti lang ang alam ni Nadeen na Tagalog words dahil hindi naman niya ito natuturuan lagi. But she advised her sister to learn the language para hindi ito mahirapan kapag pumunta ito ng Pilipinas.
Medyo may progress naman ito kahit papaano dahil nakakapagsalita at nakakaintindi naman n
