SINILIP ako ni Lilienne dito sa silid namin ng kaniyang daddy. Mag-isa lang ako ngayon dito. Ang kaniyang mga kapatid ay nasa pangangalaga muna pansamantala ng kaniyang mga lola at tiyahin, para makapag-beauty rest daw ako.
"Kinakabahan ba ang bride?" nangingiti niyang tanong. Maingat niyang sinara ang pintuan bago naglakad palapit sa akin.
"Sort of. Pero bored na ako dahil ilang araw ko ng hindi nakikita ang daddy mo," reklamo ko naman. Bumuntong hininga ako saka niyakap ang unan na ginagamit ni Leo. Nandito pa din ang kaniyang amoy na ilang gabi ko nang sinasamyo sa tuwing naiisip ko siya. Namimis ko na siya.
Pangatlong gabi na hindi ko siya katabi sa pagtulog. Tatlong araw din na ni anino niya ay hindi ko nakikita.
Para tuloy kaming bumalik nang kami ay kinse anyos pa lamang kun
