TEN: "Tumakas na tayo dito."
DAHIL sa naging kalalabasan ng pagsumbong namin kay mama na walang anumang aksyong ginawa, nanahimik nalang ulit kami ni ate Gia at nanatili sa bahay ni tiyo Jos.
Hanggang sa isang gabi, sa kalagitnaan ng pagkakatulog ko nagising na naman ako sa mga iyak at paghikbi ng kapatid ko. Agaran akong bumaba ng kama at nilapitan siya.
"Ate?" nag-aalala kong tanong.
Nakasandal siya sa kama at nakayakap sa mga tuhod habang iyak nang iyak.
"Ate, anong nangyari?"
Tiningnan ko ang pinto, hindi naman gumagalaw ang doorknob indikasyong walang nais na magbukas ng pinto at pumasok dito sa kwarto namin. Pero bakit siya umiiyak?
"Ate?" I held her shoulder.
"Wag!" takot na takot at nanginginig niyang inilayo ang balikat mula sa pagkakahawak ko.
Kinakabahan na ako. Ano ban
