Chapter Seventy Seven
Tulala akong nakatitig sa kawalan habang dinadama ang tubig na bumubuhos mula sa shower.
Pilit kong tinatanggal sa aking isip ang ginawa ni Sir Tylor pero patuloy pa rin itong bumabalik. Marami ring pumapasok sa isip ko, kabilang na ang sinabi ni Cameron sa akin kagabi.
“Sa tingin mo, Aina. Ano’ng mangyayari kay Lolo kapag nalaman niyang nakikipagrelasyon ang isa sa mga apo niya sa isang maid?”
Patuloy akong ginugulo ng tanong niya na ito.
Ano nga ba ang mangyayari kapag nalaman na ito ni Don Montero?
Base sa mga naganap kagabi, baka mas magiging malala pa ito. Huwag naman sana.
Huminga ako nang malalim para maibsan nang kaunti ang bigat ng aking dibdib.
Ang daming tanong na pumapasok sa isip ko. Tulad ng karapat-dapat ba talaga ako para kay Typhoeus? Para
