Chapter Twenty Nine
“Huh?” naguguluhang tugon ko.
“I want you to stay here for Three days. That’s all! Don’t worry, hindi kita ituturing maid. Puwede mong gawin ang lahat ng gusto mo rito at maraming magsisilbi sa ’yo,” aniya at binuka ang kanyang dalawang braso para ilahad sa akin ang buong pagmamay-ari niya.
Napakunot ako ng noo. Hindi ko maintindihan. Pinadukot niya ako para alukin ng malaking pera at magbuhay senyorita rito sa palasyo niya? Kung iisipin, isang kahibangan ’to. Parang sinabi na rin niya na pina-kidnap niya ako para bigyan ng ransom.
“Ayoko po, Sir. Babalik na po ako sa mansyon,” walang pagdadalawang-isip na sagot ko.
Hindi ko na kailangan pang pag-isipan ang inaalok niya. Masyadong kahina-hinala ang ganitong aksyon. Kanina niya lang ako nakita at nagkaroon pa ng ten
