Chapter Seventy Two
MAAGA kaming umalis ni Typhoeus papuntang Quezon. Ilang beses ko muna siyang tinanong kung kaya niyang mag-drive, naparami kasi siya pagtatawag ng uwak kagabi, baka hindi pa siya okay. Sinabi niya naman na ayos lang siya kaya bumiyahe na kami.
“Ai, what happened last night?” tanong ni Typhoeus habang nagmamaneho.
“Hmm, wala naman masyado. Nagpakita ka lang ng pangmalakasang dance moves, iniyakan mo rin ang mga nakahiwang pinya at sinabing sinira nila ang bahay ni Spongebob,” nakangiting kuwento ko.
Hindi pa rin siya nagpaawat kagabi bago kami umuwi. Sinermunan niya pa ang mga pinsan ko dahil ginawa raw nilang pulutan si Squidward, may inihaw na pusit kasi roon.
“What the f*ck? Seriously?” hindi makapaniwalang tanong niya at natatawang umiling-iling. Namumula rin a
