Chapter Forty Seven
Maganda ang gising ko at hanggang ngayon ay masaya pa rin ako dahil sa hindi inaasahang regalo na natanggap ko mula kay Sir Tyran.
Napangiti ako nang makasalubong siya rito sa kusina.
“Good morning po, Sir Tyran!” masiglang bati ko sa kanya.
Hindi niya naman ako pinansin at nilagpasan na. Napalingon ako sa kanya nang mapansin ang pagtigil niya. Sinilip niya ng tingin ang kamay ko kung saan nakalagay ang bracelet na kanyang binigay.
“Ingatan mo ’yan,” malamig na sabi niya.
Nakangiti akong napatango at itinaas ito.
“Opo, Sir! Sobra-sobrang pag-iingat talaga ang gagawin ko rito. Salamat po ulit!” sagot ko.
Bahagya naman siyang tumango at naglakad na paalis. Napangiti ulit ako habang sinusundan siya ng tingin.
Sobrang sungit niyang tingnan, pero kung iisipin, maba
