Chapter 21:
Milktea.
"Walang CCTV sa classroom, may nakakita sa amin ni Elton na nakaluhod ako sa harap niya. Doon naman sa room ni Prof Mendoza, may CCTV pero siniguro kong hindi makikita ang mukha ko kaya si Elton ang napagbintangan. I'm so sorry talaga sa nagawa ko, nadamay pa tuloy siya sa ginawa ko," aniya.
"Paano ako makasisiguro na nagsasabi ka nga ng totoo?" paniniguro ko.
Kasi baka mamaya ginawa niya lang 'to o kaya inutusan lang siya nila Elton. Hindi malabong mangyari iyon.
"Sabi sa akin ni Elton, nakipaghiwalay ka sa kaniya kasi iniisip mong bakla siya."
Napairap na lang ako, hindi niya alam na bakla naman talaga si Elton. Lahat talaga ng paraan gagawin makarating lang itong kasinungalingan na 'to sa akin. Tumayo na ako kasi para sa akin, hindi totoo ang mga sinabi ni Jos
