CHAPTER 32
WALANG tigil ang pag-tulo ng luha ni Yza habang sakay ng sasakyan papauwi. Wala siyang pakialam kahit na patingin-tingin ang dalawa niyang bantay sa kanya. Ayaw niyang dumiretso sa ospital kasi baka makita siya ng lola niya at mag-alala lang iyon sa pag-iyak-iyak niya. Kaoopera pa naman kaya ayaw niya na bigyan ng sakit sa ulo ang matanda. May masakit pa nga, pag-aalalahanin pa niya, anong klase naman niya?
Kung bakit naman kasi ang pesteng mga luha niya ay ayaw magpaawat sa kanya at makukulit na nag-uunahan pa sa pagpatak? Bakit nga ba kasi nasasaktan siya dahil sa isang lalaki?
Kung ganoon ang tumanda, sana pala palagi na lang siyang bata para walang sakit, walang problema at hindi nagmamahal o nagkakagusto sa opposite s*x. Sana walang umiiyak na Yza ngayon dahil sa isang
