Hindi ako masyadong maka-concentrate sa trabaho ko.
Una ay hati ang nararamdaman ko sa pagkakabigay uli ni Cloud nung may kamahalang cell phone sa akin. Pangalawa, hindi pa rin ako makapaniwala na aayain ako ni Mr. Pierro na sumama sa kanya sa taunang Charity Ball. Sa dami ng kakilala nitong mga babae na kabilang sa alta sosyedad, hindi ko talaga maisip ang dahilan kung bakit ako. Puro nasa mataas na antas sa lipunan ang uma-attend doon.
Kung hindi ako nagkakamali nasa edad treinta lang ang panganay na anak ng may-ari ng kumpanya na si Gabriel Pierro II. Naririnig kong Dos kung tawagin ito ng ama niyang si Gabriel Pierro. Thirdy naman ang tawag sa sumunod kay Dos since Gabriel Pierro III naman ang binigay na pangalan dito. Nasa edad beinte singko naman ito.
