Kinabukasan, alas sais pa lang ng umaga ay nasa harapan na ng apartment namin si Dos. Wala na akong magawa kung hindi ituloy ang naumpisahan kong pagsisinungaling. Halatang kulang ito sa tulog. Gayunpaman, ang lakas pa rin ng appeal.
Hindi naman fit na fit ang suot nitong 3/4 shirt pero bakas na bakas ang ganda ng katawan nito. Tila nagmumura ang mapipintog nitong muscles.
Sa Enchanted Kingdom din kami napunta dahil sa pakiusap ng magkapatid. Akala ko pa nga ay madudulas sila na wala naman talaga kaming nakatakdang lakad ngayon.
Halos lahat yata ng rides ay nasakyan ng dalawa. Disk-O-Magic, Anchor's Away, Family Rides, Air Race, pati ang Aguila Eksperience ay hindi nila pinalampas.
Nakasundo naman agad si Dos nung dalawang bata. Hindi mo naman
