***** RUCIA *****
“Ang sarap ng tubig,” sabi ni Aman nang sa wakas ay umahon din mula sa paglangoy-langoy. Sinusuklay-suklay nito ang mga daliri sa buhok na tumutulo pa ang mga tubig. “Bakit hindi ka naligo? Don't you know how to swim?”
Huli na nang ibaling ni Rucia ang tingin. Nahuli siya ni Aman sa ginawa niyang pagsuri rito.
“Gusto mo bang hawakan?”
“Huh?” Namilog ang mga mata niya sa tanong na iyon.
“Itong abs ko. Gusto mong hawakan?” pilyo na may kalakip na pang-aakit na ngiti ang nakasilay na sa mga labi ng binata.
“At bakit ko naman hahawakan ‘yan?” Tinarayan niya ang boses kasabay ng pagtaas ng isa niyang kilay.
“Kasi kanina mo pa tinitingnan,” anito. Tinigasan ang dibdib at tiyan para lumitaw lalo ang mga pandesal niya roon.
“Feeling ka,” ani Rucia. Gusto niyang matawa
