***** RUCIA *****
--YEAR 2011 CONTINUATION--
.
.
.
“Nakakaawa ang kapatid mo, Rucia,” lumuluhang wika ng kanyang nanay sa mahinang boses. Magkatabing nakatayo sila sa tabi ng ICU bed at tinitigan kapwa si Izzy. At kahit gusto nilang hawakan ay hindi nila magawa. Napakaselan ng kalagayan ng bata. Sa katanuyan ay nakasuot sila ng isolation gown, gloves, shoe covers, mask, at naka-sanitize ang kanilang kamay ng mga sandaling iyon.
“Huwag kang mag-alala, ‘Nay, makakayanan ‘yan ni Izzy. Matatag na bata siya noon pa kaya alam ko gigising siya agad pagkatapos ng kanyang operasyon,” aniya. Napakaingat na hinaplos niya ang kamay ng kapatid.
“Ano bang sabi sa’yo ng doktor? Puputulin na ba talaga ang paa niya?” Tiningnan siya ng ina. Napakalungkot ng mukha nito.
Ayaw man niyang dagdagan a
