PAGTATAKA at kaba ang nakita ni Astrid na nakarehistro sa mukha ng Tita Barbie niya nang dumating ang ginang sa bahay nila. There was also panic in her voice as she greeted her bestfriend. At pagkatapos ay napalitan ng shock ang reaction nito nang mamasdan ang hitsura ng anak na si Revor.
"What happened to you? Saan galing 'yang mga pasa mo? Nakipag-away ka na naman? Is that the reason why you called me?" sunud-sunod na tanong nito.
"I can explain it to you, Barbie."
Pare-pareho silang lumingon sa Daddy niya na lumabas ng kusina. Seryoso ito habang may tangan na isang tasa ng kape. Naisip niyang dapat iyon sa ama para magising ito kahit paano at maisip na makinig muna sa kaniya.
"Dominic, narito ka na pala?"
"Mamaya mo na kausapin ang anak mo. Tayo munang tatlo ni Olivia ang mag-usap.
