"MAY mga paperworks lang akong tatapusin sa office," imporma ng Mommy ni Astrid sa kaniya sa habang almusal, "Ilan lang naman na pending documents ng mga regular clients."
Tumango siya sa ina at itinuon na ulit ang pansin sa pagkain.
"You all set for your friend's party? Ipapahatid na kita sa driver tutal ay maaga naman akong uuwi pagkagaling ko sa office."
"It's fine, Mom. Susunduin ako ng sasakyan nina Thea. Isang sasakyan lang kami kasama si Edison."
Tumango-tango ito pagkuwa'y sumimsim sa tasa ng kape. "Have you talked to your Dad last night?"
"Yes, Mom..." Kahit paano ay sumigla ang pakiramdam niya nang banggitin nito ang ama. Tumingin siya rito. "Bakit po? Hindi ba kayo nakakapag-usap lately?"
"We did. Pero sandali lang. Tungkol lang din sa'yo ang pinag-usapan namin. But he als
