*****REYNAN*****
“Paano ‘yon? Eh, di hindi maibuburol si Vernon? Hindi ba’t bawal ngayon ang magburol ng patay? Cremate agad,” banayad na tanong ni Anasia matapos ang ilang sandali na pananahimik nito.
“Mukhang gano’n na nga. Wala naman tayong magagawa,” aniya.
“Naging malupit na ang kapalaran niya. Sa kagustuhan niyang makilala ng lahat naging masama siyang tao. His greed caused all of this. Ngayon, kahit huling araw na niya, hindi na tuloy siya makikita kahit sino man sa mga taong kilala siya.”
“Huwag ka nang mag-isip ng kung anu-ano. Baka makasama sa ‘yo.”
Mabini ang naging ngiti sa kanya ni Anasia. “Alam mo bang gusto niyang patayin din ang anak ko? Pati ang walang kamuwang-muwang na anghel ay gusto niyang idamay. Napakasama ni Vernon.”
“Sira-ulong, Vernon.” Kay bilis na nagtaasa
