*****ANASIA*****
Bago niya tunguhin ang sinabi ni Reynan na kuwarto sa may dulong kanan ng pangalawang palapag ay namamanghang inilibot muna ni Anasia ang tingin sa malawak na living room ng lumang bahay. The house was mostly equipped with antiques. Nagkulay brown na ang paligid dahil sa halos kahoy na mga dingding, sahig, and displays. At kahit yari sa kahoy pati ang sofa set ay malaki naman at mukhang komportable. Kahit ang throw pillows ay huggable. Kapansin-pansin din ang mga banga na mga display at mga lumang larawan saka mga certificate na mga nakasabit sa dingding.
Maliban sa flat screen TV, electric fan, lumang radio ay wala na halos furniture. Mayroong lumang chandelier na nagsisilbing ilaw. At sa hagdanan ay naroon sa tabi ang tumba-tumbang upuan katabi ang maliit na lamesa.
