Lhevyrose POV
"Ayos ka lang ba? May sakit ka ba?" tanong ni Nikki nang malingunan niya akong lumabas ng banyo. Kasalukuyan na siyang naghahanda ng pagkain sa mesa.
"O-okay lang ako. Puyat lang 'to. Nag-aalala lang ako dahil isang linggo ko nang hindi nakakausap si nanay Lydia at hindi nakikita ang anak ko. Palagi siyang offline at hindi ko rin ma-contact ang kanyang numero," sagot ko habang hinahaplos ang humihilab kong tiyan.
Katatapos ko lamang sumuka sa banyo ngunit wala naman akong mailabas dahil wala pa naman akong nakakaing umagahan.
Magdadalawang linggo ko na ring nararamdaman ito at habang tumatagal ay lalong lumalakas ang hinala kong baka buntis ako, lalo na't dalawang buwan na akong hindi dinadatnan at ganito rin ako noon kay Charles noong ipinaglilihi ko pa lamang siya.
"
