Abala si Aidan sa kusina habang nagluluto siya ng kanilang lunch. Sa bahay na siya ni Devon tumira mula nang mag-away si Devon at ang Mommy niya. Hindi kasi niya kayang sundin ang gusto ang Mommy niya kaya tinalikuran niya ito. Mabuti na lang at suportado siya ng Daddy at mga kapatid niya sa mga gusto niyang gawin sa buhay.
"Misis ko!" tawag niya kay Devon.
Binibihisan ni Devon ng damit ang anak nila na si Kevin. Lumingon ito sa kanya.
"Bakit?"
"Tikman mo ang niluto ko kung masarap."
Ngumiti si Devon sa kanya pagkatapos ay lumapit siya habang karga niya si Kevin. Sinigang na pusit at chopsuey ang niluto niya para kanilang tanghalian. Nag-iihaw naman ng bangus at porkchop si Tim.
"Hmm… masarap na siya tama na ang lasa," wika ni Devon.
Ngumiti siya. "Mabuti naman at nagustuhan mo a
