C-14: Mainit Na Komprontasyon
1719 Words
THIRD POV
Napatingin si Sum sa mukha ni Don Arthur, napapaisip ito sa paghinto nila sa tapat ng condominium unit. Parang naiintindihan na ni Sum ang ibig sabihin ni Don Arthur kaya sila napahintong dalawa sa tapat ng condo na iyon. Subalit hindi nagtanong at nagsalita si Sum sapat na ang kanyang tingin kay Don Arthur.
"This is his condominium unit," kapagkuwan ay sabi ng Don sabay pindot sa password ng smart locked door.
Napagmasdan ni Sum ang labas ng condominium unit ni Alas. Nakita niyang may munting cctv sa taas ng pinto. Tumunog ang smart locked at nabuksan ng Don ang pinto. Tahimik lamang si Sum na nakasunod sa Don habang papaloob ang mga ito.
"Alas baby!" Biglang lumitaw si Daisy sa sala.
Gulat na gulat si Daisy maging si Summer pero hindi si Don Arthur. Parang alam na nang Don na naroon si Daisy kaya napaisip si Summer na ito ang totoong dahilan kung bakit siya dinala ng Don sa condo ni Alas.
"Don Arthur!" Bulalas ni Daisy kapagkuwan ay yumukod ito bilang paggalang.
"Gaano ka na katagal dito?' Bagkus ay tanong ng Don.
Muling nagulat si Daisy. "Ano pong ibig niyong sabihin?"
"Four million, Daisy just left here." Walang pakundangang tugon ng Don.
"P-Po!" Utal na bulalas ni Daisy.
"Narinig mo naman ako hindi ba?" Seryosong sabi ng Don.
Napakurap-kurap naman si Daisy at lumipat ang tingin niya kay Summer na tahimik lamang na nakamasid.
"You plan this hindi ba?" Pamimintang ng dalaga.
Si Summer naman ang nagulat dahil wala siyang alam sa sinasabi ni Daisy. Bagkus ay siya sana ang magagalit dahil alam na ni Daisy na may asawa na si Alas subalit tuloy pa rin ang relasyon ng dalawa.
"Huwag mo siyang pagbintangan wala siyang alam dito. I brought her here para makuha niya ang dapat ay sa kanya." Sabat ng Don.
Nalaglag naman ang mga luha ni Daisy na hindi nito namamalayan.
"Ako ang mahal niya, ako ang nauna matagal na ako dito at matagal na kaming magkasama. Alam kong alam niyo iyon," punong-puno nang hinanakit si Daisy.
"I know. Gusto mo na bang sabihin ko isa-isa ang mga pinaggagagawa mo whole Alas is not around?" Turan ng Don saka nito pinakatitigan si Daisy.
Para namang natuklaw nang ahas ang mukha ni Daisy namutla ito at hindi makatingin kay Don Arthur.
"Kung ayaw mong ma-exposed lalo na kay Alas, umalis ka dito. Umalis ka sa kanyang buhay, five million name your price!" Patuloy ni Don Arthur.
Nalula si Summer sa milyones na offer ng Don kay Daisy. Hindi niya alam ang puno't-dulo o ano mang dahilan pero ramdam ni Summer ang tinitimping galit ng Don kay Daisy.
Hindi naman nakapagsalita agad si Daisy unti-unti itong tumalikod at napasinghot.
"Come on, Daisy. Dapat matagal ko na itong ginawa para hindi na sana naging hangal ang aking anak sa'yo. You know what I'm talking about, aalis kang may mapapala o paaalisin kitang ni kusing wala kang madadala? Name your price and make a choice," sabi pa ni Don Arthur.
Nahigit ni Summer ang hininga nito, tense na tense siya sa daloy nang pag-uusap nina Daisy at Don Arthur. Mukhang parehas na may malalim silang pinaghuhugutan ayon sa kanilang mga bininitawang salita.
"Bigyan mo ako ng palugit, give me the chance to say a proper goodbye to him." Garalgal ang boses ni Daisy.
Nakadama nang awa si Summer para kay Daisy. Babae din siya at dama niya ang paghihirap nang kalooban nito. Pero, kailangan dahil kung hindi ay si Summer naman ang magdudusa nang walang hanggan.
"Alright! I will give you three days walang labis at walang kulang. Remember, kita ko lahat ng mga galawan mo." Tumatangong sagot ni Don Arthur at tumalikod na din ito.
"Let's go, Sum!" yakag ng Don kay Summer nang balingan niya ito.
Mabilis namang tumalima si Summer, agad itong sumunod sa Don. Hindi na alam ni Summer kung ano na ang nangyari kay Daisy nang iwanan nila ito.
"Remember to get rid of that woman, Sum. Huwag mo siyang hayaang muling linlangin si Alas!" Bilin nang Don kay Summer nang makasakay na sila sa sasakyan.
"Mawalang galang na po pero ano po bang dahilan?" bagkus ay tanong ni Summmer.
Tumingin ang Don sa labas ng bintana at para itong nag-isip nang malalim.
"Malalaman mo din Sum. Basta sa ngayon, huwag kang papatalo kay Daisy." Sagot nang Don.
Marahang tumango si Sum kahit pa nahihiwagaan ito sa mga sinasabi at ginagawa ni Don Arthur. Hindi din malinaw kay Sum kung pumayag ba si Daisy sa mga alok ng Don. O kung ano ba ang pinili nito sa dalawang kondisyones ng Don. Pero lihim na nagbunyi ang puso ni Summer sapagkat kung mawawala si Daisy sa buha ni Alas ay mas malaya niyang magagawang mabaling ang pagmamahal ng kanyang asawa sa kanya.
Hospital.
Magkasamang pumasok sina Summer at Don Arthur sa loob ng private room ni Alas. Nadatnan nila doon sina Donya Helena at Arvin at mukhang masaya ang kanilang pinag-uusapan. Nawala ang ngiti sa labi ni Donya Helena at umasim ang mukha nito nang makita si Sum. Tumaas pa ang kilay ng Donya nang magawi ang mga mata nito sa kamay ng Don na nakahawak sa braso ni Summer. Naningkit ang mga mata ng Donya na tumitig kay Sum habang kahit naiilang naman ang dalaga ay binati pa rin nito si Donya Helena.
"Puwede ba tayong mag-usap?" Tahasang tanong ng Donya kay Sum.
Nagulat man si Sum at pumayag naman ito. Mabilis na lumabas ng kwarto si Donya Helena kasunod naman nito si Sum na napapaisip kung ano ang pag-uusapan nila ng Donya. Pagkarating nila sa palikong hallway ay huminto si Donya Helena pagharap nito kay Summer ay agad niyang sinampal ang huli.
Gulat na gulat si Sum habang nasapo nito ang sariling pisngi na tumingin sa Donya. Hindi nito inaasahan ang ginawa ng Donya sa kanya dahil wala naman siyang alam na nagawa niyang kamalian.
"You slut! Inagaw mo na nga ang anak ko sa nobya niya pati ang asawa ko gusto mong agawin? Where have you been together with my husband huh?" Galit na singhal ng Donya sa nagulat na si Sum.
Napakurap-kurap naman si Sum subalit kusang nalaglag ang kanyang mga luha.
"Ano pong pinagsasabi niyo? Hindi ko po alam ang ibinibintang niyo sa akin? Hindi po ako p*kp*k," garalgal ang boses ni Sum.
"Feeling inosente ka? Kita ko ang pagiging malapit niyo ng asawa ko, at kanina pa daw kayo umalis ng Villa. Saan kayo nagpunta kung ganoon at ngayon lang kayo nakarating ng hospital? Tutuhugin mo ba ang mag-ama ko? Ganoon ka ba kadesperadang babae ka?!" Asik na sabi ng Donya.
Mas lalong parang napiga ang puso ni Sum, oo makakaya nitong inaap-api lang siya ni Donya Helena pero huwag namang sobrang below the belt na. At humantong pa sa pananakit ng Donya sa kanya, kung kanina lang ay masaya ang puso ni Sum ngayon naman ay parang nawarak ulit iyon.
"Bakit hindi niyo po tanungin si Don Arthur? Hindi ko po kailanman inisip na tutuhugin ko ang mag-ama niyo alam ng Diyos iyon. Sa isang tao lang po ako nagkamali at kumati at iyon ang anak lang ninyo!" Umiyak na si Sum habang sapo pa rin ang pisngi nito.
"At sumasagot -sagot ka na ñ aking muchacha ka ha!" Singhal muli ng Donya at akma na naman nitong sampalin si Sum subalit may mga kamay na sumalo sa kamay ng Donya.
Pagtingin nila ay si Don Arthur iyon at kasama si Arvin. Mabilis namang hinablot ni Donya Helena ang kamay nito mula sa pagkakahawak ng Don.
"Anong ginawa mo sa kanya Helena?!" Dumagundong ang boses ng Don sa sulok ng hallway.
Napakurap-kurap naman si Donya Helena at tumingin kay Sum.
"Nag-uusap lang kami, hindi ba Sum?"sabi ng Donya na pinanlalakihan pa niya nang mata si Sum.
Napatingin si Sum kay Don Arthur saka muli siyang tumingin kay Donya Helena.
"Opo! Nag-uusap lang kami," mahinang sagot ni Sum at napatungo.
"See? Wala akong ginagawa sa kanya Arthur ano ka ba?!" Nakangiting tugon ng Donya.
"Ginagago mo ba ako, Helena? Nag-uusap kayo pero namula ang isang pisngi ni Sum? Luhaan at gulo ang buhok habang sapo nito ang kanyang pisngi? At ano ang nadatnan kong sasampalin mo siya ha? Luckily, nasalo ko!" Bulyaw ng Don.
Napakislot pa si Sum sa malakas na boses ni Don Arthur. Hindi naman nakapagsalita si Donya Helena at hindi nakatingin nang ditetso kay Don Arthur.
"Mom, kita ka sa cctv kaya kami napasugod itinawag sa amin. Plus may guard na nakakita," sabat naman ni Arvin.
Napakurap-kurap naman si Donya Helena at tiningnan niya ang paligid nila ni Sum. Hindi na kasi napigilan ng Donya ang nag-aalab nitong damdamin kay Sum. Kaya hindi na nito napansin pang may mga nakakita at nakarinig sa kanila ni Summer.
"Apologize to her," mariing utos bg Don.
"What?! Sino ba siya para ako ang unang mag-apologize ha?" Mataray na tutol ng Donya.
"Apologize or pauuwiin din kita ora mismo sa probinsiya para doon tayo magtuos?" Pagbabanta ng Don.
Kumibot-kibot naman ang labi ng Donya at tiningnan niya nang masama si Summer.
"Go on," utos ulit ng Don.
Bumuntonghininga naman si Donya Helena at napilitan itong lumapit kay Summer.
"Sorry Sum, nadala lang ako nang init ng aking damdamin." Hinging paumanhin ng Donya.
"Pinapatawad ko po kayo at uulitin ko po, hindi ko po planong tuhugin ang mag-ama niyo kagaya nang pambibintang niyo sa akin. At mas lalo pong hindi ako pokp*k kagaya ng tawag niyo sa akin." Naiiyak na sagot ni Sum dahil talagang sobrang nasaktan siya sa mga sinabi ng Donya.
"Hindi na mauulit, sorry!" Sagot naman ng Donya saka nito nilagpasan si Sum.
"Where do you think you're going Helena? Mag-uusap tayo nang masinsinan," habol naman nang Don.
Tumigil naman ang Donya.
"Arvin, samahan mo na si Sum kay Alas!" Baling naman ng Don kay Arvin.
Tumango naman si Arvin at niyaya na nito si Sum pabalik sa kwarto ni Alas. Habang si Don Arthur ay marahas niyang hinawakan ang kamay ng Donya at halos hilahin na nito patungo sa may parking lot. Nagreklamo ang Donya subalit parang walang naririnig si Don Arthur na nag-iigting ang mga panga habang madilim ang kanyang mukha. Kinabahan naman ang Donya sa nakikita nito sa mukha ni Don Arthur nagsisisi tuloy ang Donya sa bigla-bigla niyang nagawa kay Summer.
- Writer
