Hindi na kami ulit nagkausap pa ni Jacob bago ako umalis ng bahay. Nandito na kami ngayon sa Cebu. Nagtatrabaho kami ni Awi sa araw at sa gabi naman ay tuloy pa din kami sa pag-wo-work out sa gym dito sa condo kung saan kami naka-check in. Hindi na din ako nakapagpaalam pa kay Cora dahil hindi ko siya mahagilap ng ilang araw, kaya ngayon ay panay ang tawag at nagtatampo ang babae.
"Sumunod ka dito kung gusto mo, kaso busy kami talaga..." Sinisingit ko din sa gabi ang pagbabasa ng ilang mga mahalagang dokumento.
"Huwag na. By the way, nagkausap kayo ng asawa mo before you left?"
"Hindi na. Pagbalik ko na lang. Kausapin ko siya ulit no'n." Ayaw ko nga sanang isipin muna ang tungkol sa problema kong 'to dahil mas lalo lang akong malulungkot.
"Sige na, Cora. May gagawin na ako."
"Okay
