KABANATA 41:
TAHIMIK si Emil at alam kong malalim ang iniisip niya matapos kong sabihin na ayoko pang magbuntis. Para sa akin ay hindi pa kami handa. Nadala lang ito marahil sa bugso ng damdamin kaya niya iyon nasabi sa akin.
Huminga ako ng malalim habang naka-harap sa laptop. Naglilinis na si Emil at hindi ko alam kung talaga bang hindi siya galit o nagpapanggap lang. Ayoko sanang pag-awayan pa ang tungkol dito. Sana naman maintindihan niya na hindi iyon ang solusyon para tuluyan na kaming magkasama.
Hindi naman bata ang sagot para lang masigurado na hindi na ako aalis sa kanya. Tingin ko iyon ang iniisip niya. Naririnig ko na iyon noon pa kay Emil pero iniisip ko na biro lang. Pero ngayon mukhang seryoso na siya.
Pinagmasdan ko ang singsing nasa aking daliri. Simula ng nagyaya siya
