UMAWANG ang mga labi ni Paislee nang makita ang dalagang nakatunghay sa kanila. Matagal na nakatitig si Dahlia sa kamay ng dalawa habang nananatiling walang imik.
"A-ah, R-Rael, salamat sa pagtulong! Mas naging maayos na ang room ko!"
Malapad na ngumiti si Paislee bago unti-unting binitiwan ang kamay niya. Bumaling ito kay Dahlia nang hindi nawawala ang ngiti sa mga labi nito.
"Dahlia, ano'ng ginagawa mo diyan?"
Mula sa dating nobya, binaling niya ang tingin sa dalagang amo. Nakatuon ang mga mata nito sa sahig. Tila iniiwasan ang makita siya.
Umiling ito sa tanong ni Paislee ngunit hindi na nagsalita. Nakayuko at nagmamadali itong humakbang hanggang sa malagpasan silang dalawa.
Sandali lang niyang sinulyapan si Paislee. Ibubuka sana nito ang bibig para magsalita pero mabilis niya ito
