MATAGAL nang nakababad si Dahlia sa ilalim ng bathtub na puno ng bula na kulay rosas. Malalanghap ang mabangong aroma sa paligid mula sa mga oil at flowerd patels na ginamit at inihalo sa tubig.
Pinaglalaruan niya ang malalaking bula habang nakangiti nang matamis. Ayaw mawala sa isip niya ang lahat ng nangyari kanina. Suot niya pa rin ang kuwintas sa kaniyang leeg kahit ngayong naliligo na siya. Nakababad ang hubad na katawan sa tubig at nakataas ang buhok na binalutan ng maliit na pink na tuwalya.
"Masaya yata ang prinsesa namin?" Pumasok sa loob si Miss Jiya at ibinigay sa kaniya ang isang mahaba at puting babasaging baso na puno ng strawberry juice.
"Miss Jiya, ayaw ko na nito," aniya pero tinanggap pa rin ang basong inaabot ng babae. "Sa susunod, pineapple juice ang dadalhin mo sa a
