FRIDAY, heto ang hinihintay naming pagbalik sa Larkin Technology Company. Naka—formal attire kami ni Amanda, iyon ang nakalagay sa email and text message na natanggap namin kung kailan kami babalik dala ang requirements namin, kumpleto na ito katulad ng nakasulat sa email na binigay.
“Lady, magkakaroon na tayo ng work!” masayang sabi ni Amanda habang kumakain kami ng almusal.
“Lady, Amanda, kahit janitress ang work niyo sa Larkin Technology Company ay galingan niyo pa rin, ha? Kung wala kayo, hindi malinis ang office nila. Kaya tandaan niyo iyan, marangal ang trabaho na mayroʼn kayo,” sabi ni tita Gina sa amin.
“Opo, tita Gina. Gagalingan namin ang paglilinis po namin,” sagot ko sa kanya.
“Sana walang gaanong kala—aray! Joke lang naman, Mama. Apat na araw mo kaya kaming pinag—practice
