Ang Sumpa ni Ibarra
AiTenshi
Part 14: Makamandag na Titig
Noong matapos ang hapunan ay nag pasya naman kami ni Ibarra na maligo sa ilog malapit sa dampang kanyang tinitirhan. Payapa pa rin gabi at malamig ang simoy ng hangin na dumadami sa aming hubad na katawan kaya naman halos pasigaw ako lalo na noong ilusong ko ang aking mga paa sa umaagos na tubig ng ilog. "Woooo ang lamig bro. Sisipunin yata ako." ang wika ko habang lumalapit sa pwesto ni Ibarra na noon ay nakalubog ang kalahati ng katawan sa tubig at marahang hinihilod ang kanyang matipunong katawan. "Sa una lamang iyan Leo, kapag nasanay na ang iyong balat ay hindi ka makakaramdam ng ginaw." ang natatawang salita nito.
Noong mga sandaling iyon ay hindi matatawaran ang ganda ng paligid. Ang tubig sa ilog nag liliwanag na animo k
