Ang Sumpa ni Ibarra
AiTenshi
Part 12: Anino ng Nakaraan
Alas 8 ng umaga, matapos ang almusal ay agad naming inihanda ni Ibarra ang mga gamit na aming dadalhin patungo sa kanilang dampa doon sa kabilang ilog. Kagabi kasi ay ipinangako nito na isasama nya ako sa tahanan kung saan siya lumaki at nag kaisip, kaya naman pag sikat pa lamang ng araw sa kalangitan ay agad ko na itong ginising at kinulit na tuparin niya ang kanyang ipinangako.
Natatawa nga ito dahil para daw akong isang bata kung mangulit. Ngayon lamang daw niya napag tanto na mahirap akong pangakuan dahil tiyak na hindi ako titigil hanggang hindi natutupad ito. At dahil nga may harang naman sa buong kabahayan ay maayos kong maiiwan si Tob sa pangangalaga ni manang Bering at mama na noon ay abala sa mga gawaing bahay.
Alas 10
