2016
“BAKIT ako?” tanong ni Patrice at itinuro ang sarili. Umiling-iling siya bilang pagtutol sa gusto ng mga kaibigan. “Hindi ko kayo. Nahihiya ako.”
“Mas lalo na ako, di naman kami close ni Sir Ayden,” sagot ni Serene at natawa.
Eksaheradang itinuro ni Patrice ang sarili at pinanlakihan ito ng mga mata. “So, sinasabi mo bang close kami ni Sir?”
“Hindi rin,” ani Serene at mas napalakas pa ang tawa. “Pero feel ko mapapapayag mo iyon kapag ikaw ang nag-alok. Sige na, Patrice.”
“Oo nga,” segunda naman ni Cara para mabilis na mapalingon siya rito gamit ang mga nagtatanong na mga mata.
“Seriously, Cara? Pati ikaw?” hindi makapaniwalang tanong ni Patrice at itinuro ang pinakamalapit na kaibigan.
“Oo,” sagot ni Cara sabay nakangiti na tumango. “Malakas ka doon kay Sir Ayden kaya mapapayag
