"PATAWAD PO, MS. GRETCHEN! Patawad po!" Kaagad na lumuhod sa harapan ko si Kuya Melchor nang magkita na kami dito sa baba ng bahay.
Nalaman ko mula kay Patrick na dito pala niya dinala sa rest house niya ang pamilya nila. Hindi naman pala talaga ito resort. Ayon sa kanya ay pinarentahan lamang daw niya ito noon sa mga gustong gumamit ng pool at venue para sa mga selebrasyon o kung ano pa man para magkaroon siya ng pera at masuportahan niya ang mga pangangailangan niya habang nagtatago siya sa lugar na ito.
Pero simula daw noong bumalik na siya sa ibang bansa ay nahinto na rin ang pagpaparenta sa lugar na ito, para daw mapanatili ang kaayusan at kalinisan nito. May mga tao naman siya at ang tito niya raw ang nangangalaga nito.
"Hindi ko po sinasadyang gawin 'yon, Ms. Gretchen. Alam po ng
