"Are you okay?" Inabutan ako ni Patrick ng isang bottled water na pinabili niya kanina sa isa sa mga tao niya sa nadaanan naming 7-Eleven. Wala na itong takip.
Tinanggap ko rin naman ito kaagad at ininom. Halos maubos ko ang laman nito at kahit papaano ay nakatulong ito sa pagpapagaan nang nararamdaman ko ngayon. Ibinaba ko rin ito at muling tumulala sa mailaw na siyudad na nasa ibaba nitong kinaroroonan naming mataas na bahagi.
Nasa gilid kami ng kalsada kung saan may poste ng ilaw--nakaupo sa isang malaking bato. Malayo na ito sa lugar na pinangyarihan ng krimen.
"Ano 'yong sinabi mo sa kanya kanina? Nagkaharap ba kayo ni Alfredo noon sa rest house?" tanong ko sa kanya bago ko siya nilingon.
"Yeah... Hindi ko pinalampas ang ginawa niya noon sa iyo... I spoke with him, warned him, and
